Donostia Sustapenaren ekintzailetza-proiektu berritzaileak bizkortzeko programa azaroan Kopenhagen egingo den aintzatespen horien Azken Galan egongo da.
Donostiako hautagaitza Industria eta Turismo Ministerioak aukeratu du, Industria Estrategiaren eta ETEaren Zuzendaritza Nagusiaren bitartez.
EKINN +, Donostian proiektu berritzaileak baldintza onenetan garatu ahal izateko sortutako ekintzailetza berritzailea bizkortzeko programa, Enpresa Sustapenerako Europako Sarietan finalista da. Donostia Sustapenaren programak “Espiritu ekintzailearen sustapena” kategorian parte hartzen du, eta proiektu irabazlearen izena azaroan Kopenhagen egingo den ETEaren urteko batzarrean jakinaraziko da. 2006az geroztik, Europa osoko 4400 programa eta proiektu baino gehiagok aurkeztu dute izendapen horietarako hautagaitza
Ane Oyarbide Ekonomia eta Tokiko Enpleguko zinegotziaren ustez, EKINN + programa EEPAko finalista gisa hautatzeak «indartu egiten du Donostia Sustapenaren estrategia, kultura ekintzailea garatzearen alde egiteko eta, bereziki, hazteko ahalmena duten proiektu berritzaileei laguntzeko. Hiriko ekintzailetzaren aldeko apustua handitu egin du Udal Elkarteak azken 3 urteetan, urteko inbertsioa bikoiztuz, urtean bi milioi euro baino gehiagorekin. Apustu sendo eta iraunkorra, Donostian proiektu bakoitzak garrantzia duela erakusten duena»
Lehiaketak bi fase ditu. Hautagaitzak estatu mailan lehiatzen dira lehenik, eta bi bakarrik hautatzen dira Europako Azken Faserako, irizpide hauen arabera:
- Originaltasuna eta bideragarritasuna.
- Tokiko ekonomian duten eragina.
- Tokiko alderdi interesdunekiko harremanak hobetzea.
- Proiektua Europako beste eskualde batzuetara transferitzeko aukera.
Industria eta Turismo Ministerioak, Industria Estrategiaren Zuzendaritza Nagusiaren eta ETEaren bitartez, EKINN + hautatu du proiektu finalistetako bat izateko; izan ere, “proiektu berritzaileak bizkortzeko programak, aholkularitza pertsonalizatua, aholkularitza estrategikoa, finantzaketarako sarbidea eta coworking-espazioak, guztiak ere EKINN + ekimenak eskaintzen dituen zerbitzuak, ekintzailetza sustatzeko estrategia integrala dira
Europako Batzordeak hautatutako epaimahai europar bat aurki bilduko da hautagaitza finalistei buruz eztabaidatzeko. Aurtengo sarietako 6 kategorietako irabazleak azaroan Kopenhagen egingo den ETEen urteko batzarrean iragarriko dira.
EKINN+ek ekintzailetza berritzaileko hogei bat ekimen babesten ditu urtero. 8 urteko ibilbidean, zerbitzu eta laguntza zuzenen bidez 133 enpresa berritzaile abian jartzea eta bizkortzea sustatu du.
EKINN + programa Donostia Sustapeneko Berrikuntza Planean jasotako neurrietako bat da. Aurten 6 milioi euroko zuzkidura du, eta ekintzailetzak eta berrikuntzak dedikazio berezia dute.